1- واحد بيقول لمراتة : تصدقي جارنا بيقول انه خان مراته مع ستات العمارة كلهم الا واحده بس؟
قالت لة أكيد الولية الرخمة اللي في الدور الرابع
2- اخترعوا في امريكا آله بتمسك الحرامية
جربوها في امريكا خلال 30دقيقه مسكت20 حرامي
في انجلترا خلال 30 دقيقه مسكت 50 حرامي
في اسبانيا خلال 30 دقيقه مسكت 65 حرامي
في غانا خلال 30 دقيقه مسكت 600 حرامي
................................
في مصر خلال 15 دقيقه الماكينه اتسرقت
3- تنين مساطيل قاعدين يحششوا ...فمرت
جنازة فواحد بيقول للتاني هي جنازة مين دي يا مدحت؟ فرد علية دي جنازة عمّ
محروس فقال الاولانى الله يرحمه ، وتاني يوم وهما قاعدين في نفس المكان
مرت جنازة فنفس الشخص سال هي جنازة مين دي يا مدحت ؟ فرد عليه دي جنازة
عمّ محروس فقال الله برحمه ، وتالت يوم وهما قاعدين في نفس المكان مرت
جنازة فنفس ال...شخص سال هي جنازة مين دى ؟ قاله دي جنازة عمّ محروس فقاله:
هي الدنيا ملطشة معاه كدة لية
4- سمعوا في الصعيد عن اخترااع السيفون فبعته وااحد منهم امريكا يشووف ايه ده المهم رجع قالهم يااه السيفون ده حاجة حلووة اي تشده ويا تلحق تشرب يا ماتلحقش ...
5- جماعة بيحششوا
... فجت كبسه... كل واحد اسـتخبه في شوال جه الظابط ضرب الشوال الاول
برجله خرج واحد منهم و اعد يكاكي وعمل نفسه فرخه ضرب التاني خرج واعد يدن
وعمل نفسه ديك ضرب التالت مخرجش ضربه تاني مخرجش ضربه جامد المره دي خرج
وقال له شوال بطاطس بطاااااااطس انت مابتفهمش
6- مره اتنين مساطيل بيحششوا فواحد بيقول لصاحبه شايف النمله اللي فوق الجبل رد التاني وقاله اي واحده المغمضه ولا المفتحه
7- واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش"
8- واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟
9- مره واحد مسطول امه بتصحيه وبتقوله قوم يابنى الشمس طلعت قالها دخليها وقفلى الباب وراكى
10- واحد بلديتنا حط حجرين للراديو المذيع اتسطل
11- مره واحد ماشي في الشارع لقي يافطه ع مطعم مكتوب عليها لقد حاربنا الدبان فدخل لقي المكان مليان دبان فزعق ونادي الجرسون فقالو انتو مش بتقولو انكو حاربتو الزفت فقالو احنا حاربناه بس هو ال انتصر
12- واحد مسطول بيقول لصاحبة مش عارف يا اخي عود الكبريت دة ما بيولعش لية مع انة لسة مولع من شوية
13- سال شرطي امرأة تقود السيارة هل لرايت اشارة المرور(قف)قالت نعم فقال لها طيب لية موقفتيش فقالت لآنة مكتوب (قف)مش (قفي)
14- دلووع وقف خلف إمام فـ الصلاة ,,
قآل الإمآم : استقيموا واعتدلوا ,,
رد الدلوع : أوكي حياتي جآهزين ..
15- اتصل واحد بمراتة وقال لها "انا كسبت مليون جنيةجهزي شنطتك بسرعة"فقالت لة طيب اجيب معايا هدوم صيفي ولا شتوي فقال لها اتي كل اللي انتي عاوزاة المهم اجي ملئكيش في البيت
16- اثنين اتقابلو بعد ماماتو فواحد بيسال التانى بيقوله انت مت ازاى قاله موت من الغيظ وانت قاله موت من البرد قاله احكيلى موت ازاى قاله كنت عارف ان مراتى بتخونى وعاملها كمين واستنيت لغايه الراجل ما دخل وامنت كل المخارج وقلبت عليه الشقه ملقتوش 3 ساعات بدور موت من الغيظ قاله لو كنت فتحت الديبفريزر ولا كنت موت انت من الغيظ ولا موت انا من البرد
17- تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت
وكتبت فى كراستك هاديلك هدية حلوة ..فكتب فى كراسته ..راحت الأبله ادته
بسكوتة فتحها واكلها للى جنبه
18- مره طالبه مشاغبه المدرس اشتكاها للمدير المدير بعتلها قال لها "عملتى
ايه؟" قالت له "ولا حاجه رميت ورده من الشباك" قال "بس كده؟" قالتله "اه"
بعد شويه لقى طالبه مدغدغه ومكسره سالها "ايه الى عمل فيكى كده؟" قالت له
"انا ورده الى اترميت من الشباك."
19- في المدرسه استاذ الحساب بيسال التلميذ بتاعه: لو باباك استلف الف جنيه من
البنك والف جنيه تانيه من جاركم يبقى هيرجع كام الف، التلميذ: مش هيرجع
حاجه يا استاذ ، الاستاذ: ياابني استلف الف وبعديها الف تانيه التلميذ :
مش هيرجع حاجه يا استاذ، الاستاذ: اقعد يا ابني انت متعرفش حاجه في
الحساب، التلميذ: انت اللي متعرفش ابويا يا استاذ
20- واحد راح يتقدم لواحده ابوها قاله انت شغال ايه قاله الصبح مع اخويا وبالليل عاطل قاله واخوك شغال ايه قاله الصبح عاطل وبالليل معايه
ليست هناك تعليقات:
إرسال تعليق